مجمع جهانی قرآن و عترت World Assembly of Qur'an and Eitrat
Related Articles
رہبر معظم انقلاب اسلامی حضرت آیت اللہ العظمی خامنہ ای نے آج شام روس کے صدر ولادیمیر پوتن اور ان کے وفد سے ملاقات کے دوران دونوں ممالک کے درمیان مفاہمت اور معاہدوں کو عملی جامہ پہنانے کی ضرورت پر تاکید کرتے ہوئے مغرب کی دھوکہ دہی پر مبنی پالیسیوں اس کے خلاف ہوشیار رہنا ضروری سمجھا اور فرمایا: ایران اور روس کے درمیان طویل مدتی تعاون دونوں ممالک کے لیے انتہائی مفید ہے۔
اس ملاقات میں آیت اللہ خامنہ ای نے اس بات پر تاکید کرتے ہوئے کہ عالمی واقعات ایران اور روس کے درمیان باہمی تعاون میں اضافے کی ضرورت کو ظاہر کرتے ہیں اور فرمایا: دونوں ممالک کے درمیان تیل اور گیس کے شعبے سمیت بہت سے مفاہمتیں اور معاہدے موجود ہیں جن پر عمل کرنا آخر تک ضروری ہے۔
انہوں نے ایران اور روس کے درمیان اقتصادی تعاون کو خاص طور پر مغربی پابندیوں کے تناظر میں ضروری اور دونوں ممالک کے مفاد میں قرار دیا اور یوکرین کے واقعات کے حوالے سے کہا: جنگ ایک سخت اور مشکل زمرہ ہے اور اسلامی جمہوریہ اس بات پر بالکل بھی خوش نہیں کہ عام لوگ اس کا شکار ہوں لیکن یوکرین کے معاملے میں اگر آپ نے پہل نہ کی تو دوسری طرف اپنی پہل سے جنگ چھیڑ دینے گا باعث بنتا۔
رہبر معظم انقلاب اسلامی نے اس بات پر تاکید کرتے ہوئے کہ مغربی ممالک ایک مضبوط اور خودمختار روس کے مکمل مخالف ہیں، نیٹو کو ایک خطرناک موجود قرار دیا اور مزید فرمایا: اگر نیٹو کے لیے راستہ کھلا ہو تو وہ کسی سرحد کو نہیں پہنچانتا اور اگر اسے یوکرین میں نہ روکا گیا ہوتا کچھ وقت بعد میں، کریمیا کے بہانے، وہ اسی جنگ کا آغاز خود کرتے۔
آیت اللہ خامنہ ای نے فرمایا: بے شک آج امریکہ اور مغرب پہلے کی نسبت کمزور ہیں اور بڑی کوششوں اور اخراجات کے باوجود شام، عراق، لبنان اور فلسطین سمیت ہمارے علاقے میں ان کی پالیسیوں کی کامیابی بہت کم ہوچکی ہے۔
انہوں نے شام کے مسئلے کو بہت اہم قرار دیا اور اس ملک پر فوجی حملے کی مخالفت کرنے اور اسے روکنے کی ضرورت پر اسلامی جمہوریہ کے موقف پر تاکید کرتے ہوئے کہا: شام کے مسئلے میں ایک اور اہم مسئلہ امریکیوں کی جانب سے فرات کے مشرق میں زرخیز اور تیل سے مالا مال علاقوں پر قبضہ ہے، جو کہ امریکہ کو اس علاقے سے نکال کر یہ مسئلہ حل کیا جانا چاہیے۔
آیت اللہ خامنہ ای نے علاقے کے امور میں صیہونی حکومت کی مداخلت کی مذمت کی اور صیہونیوں کے خلاف روسی صدر کے حالیہ مؤقف کی تعریف کی۔
